sábado, 16 de setembro de 2017

Gorxa


Inauguro o curso cunhas molestias na gorxa.
Despois de tres días, asumo que isto non se irá así como así e onte vou ao médico da tarde (o das mañás ten as uñas roídas e sempre me gasta moitas receitas), que me ausculta, me calza o termómetro na axila e se asoma á miña boca. Di que a gorxa está irritada, pero non dá nome ao asunto. Placas? Non, placas non hai. De momento.
Á casa volto con ibuprofeno, unhas pílulas diminutas e moitas ganas de meterme na cama.