xoves, 16 de xuño de 2011

Belicoso

O que máis me gusta de onde vou cortar o pelo é que, como no chiste do funcionario, se me dan hora ás catro e me presento cedo, normalmente ás catro menos dez estou listo e de volta na casa.
O que menos me gusta é que o señor barbeiro teima en falarme de cando fixo a mili en Jaca, manobras e imaxinarias incluídas. Hoxe, para variar, deulle por describirme tesouras en man o ben que lle sentan a couraza, o elmo e os faldróns que vai vestir este finde cando se converta en lexionario, esta vez polas rúas e prazas da Bimilenaria.
Que de que me vou vestir eu, pregúntame mentres lle pago, e eu respóndolle que de romano do futuro; pois que aburrido, replica o belicoso barbeiro lexionario.

8 comentarios:

Concha López Fernández dixo...

Eu non sei por que hai tanta xente á que todo o relacionado coas milicias e os uniformes lle enche tanto o peito.
Co cómodo que é vestirse cadaquén como lle peta, sen roupas desas que tapan a verdadeira identidade!

Saúdos.

Chousa da Alcandra dixo...

Hoxe estiven na Bimilenaria e xa vin os preparativos moi adiantados. Tamén había nos xardíns da Praza Maior unha catapulta; pero tíñana moi mal enfocada: apuntaba cara os soportais do Bar Centro e do Madrid, cando todos sabemos que debería apuntar un chisco á dereita da Farmacia Central...

Anónimo dixo...

ja ja ja... rínme co teu post pero tamén co comentario de Concha...

vese que os uniformes non lle poñen... eu traballo arrodeada deles e será porque xa estou acostumada que non lles dou importancia.

ja ja ja

biquiños e boa fin de semana... ¡¡non ardas moito!!

Aldabra,

Bolboreteira dixo...

Hai xente que cando se disfraza métese moito no papel.
bicos!

mariajesusparadela dixo...

Señor Kaplan, eu prefiro "arde París" ou "ardelle o eixo"...

mfc dixo...

Pois eu sempre detestei aquelas conversas de barbeiro junto às minhas orelhas como se fossem conversas de alcova!

peke dixo...

Tamén eu confeso que sempre detestei que intentasen darme conversa na perruquería; nunca entendía ben o que me dicían. E iso que avisaba de que era xorda, pero..., erre que erre, seguían dando a brasa. En fin! Desque me rapa B estou aliviada.

zeltia dixo...

pois máis ca aburrido, iso de romano do futuro esperta a miña curiosidade...
e Dona Concha, co seu paraugas, decindo por aí que ela non quere ver á xente tapando a súa verdadeira identidade...
;-)

en fin, que o vexo a vostede moi cascarrabias, Kaplan, nin romanos, nin barbeiros...