A teoría de Polis é que, á forza de contelo polos votos, aos cregos e monseñores o esperma agríaselles e acaba por subirlles á cabeza, coma un viño ruín, e deterióralles gravemente o sentido común.
A miña teoría é que, á forza de especular sobre os designios divinos, pontificar sobre a natureza humana da que eles por definición só coñecen unha parte, e administrar o Reino dos Ceos milimetrando as culpas e as debilidades dos demais con minuciosidade de ourive ou alquimista, a moitos cregos e monseñores a palla no ollo dos outros non lles deixa ver as moitas trabes do propio.
Eu non sei canto pode entender o tal monseñor de abortos ou de abusos a menores para opinar e establecer un ranking, pero penso que relacionar unha cousa coa outra é, máis do que unha desafortunada estupidez, unha maldade que non ten perdón de Deus.
2 comentarios:
Canto máis vella vou máis intolerante me volvo con estes FDGrandísimaP! (E se non o poño con todas as letras, é só por non lixar o seu blogue, Kaplan.)
O día 29 fixo tres anos desde que atopei a súa Ithaca. Segue a ser un pracer visitala, deixeille unhas papoulas na Selva. Saúdos.
Publicar un comentario