domingo, 5 de xuño de 2005

Lamatumbá

Atendendo ao clamor recomendatório do blogomillo e dalguns colegas atenienses, acudo Venres á cervexaria sotarrega para comprar o Lume de Lamatumbá e emprendo o camiño de Delfos desfrutando das voces limpas e os acordes de persoas que desfrutan do que fan. E sobretodo, con muita alegria.
Parece-me que algo podemos ainda oferecer ao mundo, e fico completamente encantado, pero iso si, algo decepcionado comigo mesmo por non dar chorado ao pasar o Alto de Dozón, como esperaba e se cadra devia. Fago que a miña filla escuite aquela música pracenteira e limpísima, a mesma que soa mentres isto escrevo, e sorrio agora para min pensando nese futuro suntuoso e proletário que avanza cara nós con alvoroto.

2 comentarios:

Peke dixo...

¿A que son a bomba? E, por riba, unhas excelentes persoas.

Laurindinha dixo...

Asistín este verán a un concerto deles en Pontevedra e divertínme moitísimo coa súa música."Licor de negro café", todo un clásico...